1. |
Intro
00:49
|
|||
2. |
Heislpartie
03:43
|
|||
I geh blunzenfett vom Kirtog ham und fühl mi richtig wohl
woa fuat mit meine besten Freind, meiner Leber & Alkohol
5 Minuten später spür i plötzlich so an Draung
I hätt wohl no auf's Klo geh soin, wurscht noch Haus dauert's ned laung
Und während I versuch mi zsaum zu reissen und umzuseh'n
Do schiaßt mir ein Gedanke ein, wohin soi i jetzt geh'n?
Denn wo? Jo I frog mi nur wo?
Findet man in diesem Wien ein öffentliches Klo?
Jo wo? Sog mir bitteschön wo?
Findet man in diesem schönen Wien ein öffentliches Klo?
2,3,4,
5 Bier hob i trunkn, des woa scheinbar zu vü
Und Viere auf Ex, vorher daham, i bin a Mann mit Maß und Zü
Der Schmerz im Unterleib, jo der wird immer größer
und de Frau de grod ihrn Hund neben mir brunzn losst mochts a ned besser
Und dann geh i durch an Park und i gfrei mi ois wia
Denn von da Weitn sich i scho a beleichtete Heisltia
Und mit Elan renn i dagegen, weu sie is nämlich zua
und am Schüdl steht geschlossen von 10e bis 6e in da Frua
Und do frog i mi wo? Und a wieso?
Findet man denn nirgendwo a aufgesperrtes Klo?
Und warum grod i? I brunz ned afoch wo hi
Brauchad dringend Platz für meine Blasenhypomanie
Daun geh I hoit hinta an Busch, kummt glei die Polizei
Oder gegn a Mauer, des gibt a Sauerei, nirgendwo hot ma sei Rua in diesem Wean
Wü i in a Restaurant, "nur bei Konsumation!"
A Freind von mir hot gmant, "warum mochst es ned in ein Kondom?"
aber vielleicht brauch i des heute no zum Vakehr’n
Mei Geduld die is aum End, i hob jetzt wirklich gnua
Da Schmerz is unerträglich, steh kurz vor der Blasenruptur
und es is mir wirklich olles scheißegal
I hob's versucht so laung es geht, doch jetz kaun i nimmermehr
und während ich hier so sinnier, kommt so ein Gefühl daher
Ich spüre die Erleichterung owa es is auch nass und warm
Der Typ neben mir in der U-bahn mant: "Herst geht's no, i man i tram!"
Endlich daham, unter der Dusch kommt mir daun die Idee
I was jetzt wos i moch'n werd vorm nächst'n moi furtgeh
Damit mir des nimmer passiert, los i mir vor mein nächsten Fetzen
im AKH ganz professionell, an Katheter setzen
|
||||
3. |
Wir foan auf Reha
03:16
|
|||
Mir geht's oll'wei gschissn, lieg den gaunzn Tog im Bett
und die Kollegen in da Orbeit jo de san a ned sehr nett
Brauch zum Schlofn Pulverl, weu sunst drah i mi boid ham
und da Chef, der sogt zu mir, jetz reißens Ihna hoit moi zsaum
Drei Stund Schlof pro Tog jo mehr brauch i sicher ned
und aum Wochenende bin i sowieso nur dauerfett
Friss a nur mehr Pizza, hob scho 30 Kilo mehr
und in die Orbeit foan ja dazu gfreits mi überhaupt ned mehr
Mei AMS-Betreuer, der is jetzt mei neicha Boss
schaut imma deppad, wenn i sog, dass i hackln ziemlich hoss
Es gfreit mi hoit zu goa nix, er schickt mi zur Psychotant
und de sogt zu mir, Sie foan jetzt sicher moi noch Gars am Kamp
Sie foan auf Reha, Sie foan auf Reha, dort kommens owe und dort geht's a ned rund
Sie foan auf Reha, Sie foan auf Reha, und noch 6 Wochen san Sie gfälligst wieder gsund
Aum ersten Tog geht goa nix, krieg a Staberl in mei Gfries
muaß den Coronatest abwoarten, mei Zimmer wird zu mein Verlies
24 Stund später bin i a scho live dabei
und des erste wos ma mochn is a blede Hatscherei
Der ane rennt wie auf der Flucht, bei da aundan schlof i ei
daun nomoi voigas in Berg auffe hinter mir die Keicherei
Anahoib Stund später samma a scho wieder zruck
es gibt doch goa nix schenas wie waun ma verschwitzt beim Essen huckt
Ui, wos gibt es guad's? Was nimmer, wos i ausgsuacht hob
Hob scho so an Hunger, wird no aunstrengend der Tog
Der Brotn do schaut guad aus und i hoit ma Tablett hi
und ein Grantscheam überreicht mir Soja-Tofu-Potpourri
I bin auf Reha, i bin auf Reha, und geh immer nüchtern ins Bett
I bin auf Reha, i bin auf Reha, ned weu i nix sauf, sondern weu’s Essen do ned schmeckt
Gruppentherapie steht für heute groß aum Plan
und die Therapeutin frogt, wos unsre Anliegen so san
I hätt do scho a Thema, für des i Interesse hätt
doch der ane in da Gruppn jo der hoit sein Schlapfen ned
Jetzt ward i endlich draun doch de Stund is scho vorbei
schnö no ane rauchn weu i mi scho richtig frei
Weu jetzt haumma Ergo und in meiner Phantasie
waß i scho, wos i mochen wü, doch de Baundsog, de is hi
Achtsamkeit ist wichtig, desweg’n gehe ich in mich
Greif ma einen Speckstein und bastl an am Gsicht
A des wird sicher super, plötzlich ein Missgeschick
und aus dem schönen Speckstein wird ein Bodenmosaik
I bin auf Reha, i bin auf Reha und bastl mir a kleines Haus
I bin auf Reha, i bin auf Reha, für meinen Vogel, weu den treibn sie mir do aus
Aum Abend daun Tischtennis oder tanzen zu Samba
und im Pavillon im Park, do sitzt a ana ala
Spüt de gaunze Zeit Gitarr und hoit si für an Superstar
doch überleben von der Kunst jo des kaun heute fost kana
Beim Tischtennis geht’s mittlerweile a scho urndlich zua
es wird glocht, olle san guad drauf, daun is plötzlich a Rua
“Olle auffe auf die Zimmer, es is scho spät, i glaub i spinn
seids ned deppad sonst Verwarnung“, sogt die strenge Pflegerin
I geh ins Raucherkammerl und i denk mir daun jo eh
meine Gedanken schweifen und i ziag a kurzes Resümee
Es is zwoa ka Gefängis, nur maunchmoi kummts an hoit so vua
und aufsteh muaßt du täglich, stets in olla Herrgottsfrua
Wir san auf Reha, wir san auf Reha, um 10:30 seids ihr gfölligst im Bett
Wir san auf Reha, wir san auf Reha, sonst derfst du ham über das Wochenende ned
Wir san auf Reha, wir san auf Reha, und olle woi ma wieder ham
Wir san auf Reha, wir san auf Reha, obwohl mas daham vielleicht no gschissana haum
Wir woan auf Reha, wir woan auf Reha, ollas wird besser ois wia friah amoi woa
Wir woan auf Reha, wir woan auf Reha, serwas daun, wir segn uns nächstes Joa!
|
||||
4. |
Ersatzverkehr
04:35
|
|||
Ich geh auf eine Reise von Gars am Kamp nach Wean
Fahre mit dem Zug, denn die Umwelt hab ich gern
Als Begleiter meinen Rucksack, mehr brauch ich nicht
fühl mich glücklich und zufrieden bis aus dem Lautsprecher eine Stimme spricht:
“Es tut uns sehr leid, doch bei der nächsten Station
ist dieser Zug zu Ende, denn wir haben keinen Strom
Für die Weiterreise steht für Sie bereit gestellt
ein Bus oder mehr, ist uns egal - wir ham Ihr Geld“
Und ich weiß das ist mein Ende, ich fühle gar nichts mehr
mein ganzer Körper zittert, an der Bustür steht Schienenersatzverkehr
Es drängen sich die Leute, als gäb's kein Morgen mehr
und in meinen Rücken drücken sich die Fahrräder
Ich will einfach flüchten, doch die Chance ist vertan
denn in meinem Schienbein steckt auf einmal ein Doppeldeckerkinderwagen.
Fang den Schmerz an zu genießen, obwohl es weh tut sehr
doch dann weht es zu mir plötzlich einen Geruch her
Woher hat denn dieser Mann, zu dieser Stund
die Käseleberkässemmel her, sie stinkt und ist auch nicht gesund
Ja meine Zeit die ist gekommen, ich bin bald nicht mehr
nur noch 32 Haltestellen steht auf dem Plan vom Schienenersatzverkehr
Wär ich doch nie verreist, zu Hause ist's doch auch schön
Mein letzter Wunsch auf dieser Welt: meine Familie wiederseh'n
Doch diese lange Reise wird wohl nie zu Ende gehen
Die Telefone läuten in einer Horrorsymphonie
Die Akkus, die entladen sich wie meine Lebensenergie
Den Sprechdurchfall bekommt plötzlich meine Sitznachbarin
Wozu braucht sie ein Telefon, sie spricht laut wie ‘ne Turbine von Boeing
Sie war heut beim Friseur und auch beim Gynäkolog'n
Demnächst eine kleine OP und ihren Mann hat sie betrog'n
mit seinem besten Freund, doch dem ist das egal
Doch wenn seine Frau dahinter kommt, ja dann gibt es einen riesen Krawall
Ich seh schon das Licht am Ende, doch es ist nur Gegenverkehr
Hoff auf einen Zusammenstoß, dann wär's vorbei mit dem Schienenersatzverkehr
Auf dem Leberkäspapier verfasse ich mein Testament
Nehme in Gedanken Abschied, ich wünsche, dass ihr meine Leiche verbrennt
Mein Leben zieht vorbei, in dieser prekären Situation
Plötzlich stoppt der Bus und die Tür springt auf...
Endstation!
|
||||
5. |
Partielle Misanthropie
02:43
|
|||
Wir kennan uns jetz scho a hoibades Lebn
und ollas wos du braucht host, hob i dia geb’n
doch bei an Thema, do bin i valur'n
Bin scho stundenlaung g’sessn, i wü goa nix mehr essn
so laung bis i des ned herausgfundn hob
wie ma aum Best'n auf g'schert "Ich liebe Dich" sogt
"I mog di“ klingt ma afoch zu banal
Mei Sprochumfaung, der losst mir ka Wahl
Denn i hob's vo Aufaung au scho g’spiat, dass des mit uns zwa wos wird
doch ausdrücken kaun i mi ned g’scheid
Und i was ned wie i is sog’n soi, du faungst die Augn scho au zum roin
doch i hoff i moch da damit a Freid
du gehst ma ned so am Oasch, wie oi die aundaren Leit
Du faungst zum Lochn au und glaubst I moch nur an Scherz
doch bei mir geht des ziemlich tiaf ins Herz
und auf amoi sigst du, den Ernst der Lage ein
"Ich liebe dich" is g'schissn, jo do host du Recht
des klingt irgendwie komisch, do fühl i mi ned echt
Owa des sogt ma hoid so, des trichtert ma uns so ei
Kosenamen vawend i sicher kan
"Mausi-Bärli", "Hasi", i hob jo kan Zoo daham
Denn i hob's vo Aufaung au scho g’spiat, dass des mit uns zwa wos wird
doch ausdrücken kaun i mi ned g’scheid
Und i was ned wie i is sogn soi, du faungst die Augn scho au zum roin
doch i hoff i moch da damit a Freid
du gehst ma ned so am Oasch, wie oi die aundaren Leit
Und du sogst zu mia: Du bist ma a ned gaunz so zwieda
wie letztens der ane, der de gaunze Zeit vor mir telefoniert hot
und dann haum seine Gschroppn no umanaunda gschrian
und i hob ma in Schädl aughaut und ana hot vor mir aufn Boden gspuckt...
und oi de aundaren Leit!
|
||||
6. |
So samma ned
03:47
|
|||
Wir sind feine Herren und wir sind stets am Start
wenn eine feine Dame ist in Not, sind wir parat
halten Türen auf und bringen Blumen, sind wortgewandt
uns gibt es überall, egal ob Stadt, oder am Land
Beim Spazieren gehen schaun uns alle nach und denken sich
ich möchte auch gern mal so schön sein, beneiden uns fürchterlich
doch ganz ehrlich muss ich sagen gibt’s auch eine andre Seite
aber die muss keiner kennen, die zeig ich euch nicht heute
Wenn ich am Wochenende meine besten Freunde treff, Frauen verboten
sag ich nur NAU DAUN WIRD'S RICHTIG FESCH!
Daun sauf ma in ana Tour, haum an Spaß dabei und kriang ned gnua
dazwischen moi a Pizza, des hoit uns frisch und wir taunzn auf de Tisch!
Ich muss mich gleich entschuldigen, so sind wir sicher nicht
Das ist pure Verleumdung, wir sehen uns dann vor Gericht
Am Wochenende war ich segeln und noch kurz beim Golf
Da könnens jeden fragen, aber bitte nicht den Rolf
Ich muss jetzt leider weiter, mein Terminplan der ist voll
Dinnerparty planen und zum Juwelier nach Tirol
Meine Frau vermisst mich auch schon, oh mein Telefon ist ja aus
Außerdem muss ich zum Rolf auf einen Sprung ins Krankenhaus
Das nächste Wochenende ist bereits schon durchgeplant
denn ohne Frauen haum wir Männer OLLAS SÖBST IN DA HAUND!
Vom Doch spring i in den Pool. In da Haund a Floschn Bier und olle findens cool
Da Rosnmahra is a scho vasenkt. Des is ma wurscht den hot mei Frau mir gschenkt
Waun wir unter uns san, daun gehört uns die Wöd
Fian uns auf wie deppad, “scheiß auf's Göd“
Da Rolf im Rollstuhl is beinaund a scho liab
Glaubst foits eam auf, waun i eam die Einfahrt oweschiab
Ollas moch ma hi, von denken ka Spur
Oba irgendwie hob i jetzt Lust auf Parcour
|
||||
7. |
Kochen (Interlude)
00:32
|
|||
8. |
||||
Es is moi wieder Wochenend, do haumma kan Stress, weu’s gmiadlich rennt
und du sogst mir, wir kenntn moi was kochn
I hoi die Pfaun, du bringst die Tepf, i frog di, obs heit Nudeln gibt
oba du findest des ned zum Lochn
So vüle Gewürze, i kenn ka anzigs beim Naum
I wü scho wieder weg, doch ich reiß mi zsaum
Zuerst a bissl Butter in die Pfaun
den Ofen ned zu org aufdrahn und daun geht‘s auns Erhitzen
Ok soweit kenn i mi aus, es brutzelt scho a Wengal wos
oba warum soi i die Zwiebln auschwitzen?
Is des ned a bissl grauslich? Bin grod dabei mei Leibal auszumziagn
Doch du bremst mi und manst, bist du deppad in deiner Birn?
Du kaunst mi Kreizkümmelweise, i verzicht auf diese Speise
wenn ma sich dabei de Finger bricht
Do iss i lieber gor nix, i pfeif auf dieses Gericht
Saframent noch a moi, jetzt hob i ma a no vabrennt, i hoit des ollas goa nimmer aus
Geh ruaf doch glei die Rettung, zum Essen gibt‘s a wos im Krankenhaus
Bitte hoit di auns Rezept, sogst du zu mir, so schwer is des jo ned
doch mir scheint des is a fremde Sproch
I soll wos klären, und legieren und no irgendwos montieren
brauch i an Installateur, waun i wos koch?
Fingerdick schneiden is jo sche (woher wisst’s ihr wie dick meine Finger san?)
und überhaupt wöchn Finger mants ihr daun?
Du kaunst mi Kreizkümmelweise, i verzicht auf diese Speise, wenn ma sich dabei
de Finger bricht. Do iss i lieber gor nix, i pfeif auf dieses Gericht
Saframent noch a moi, jetzt hob i ma a no vabrennt,i hoit des ollas goa nimmer aus
geh ruaf doch glei die Rettung, zum Essen gibt‘s a wos im Krankenhaus
Viertln, stiftln, hachln, reiben, pressen oder auch nur halbier’n
Blanchieren, rapieren, pochieren, braisieren und mir zreist’s es Hirn
An Paradeiser würfeln kaun i ned, der is doch rund, hoits ihr mi für bled
außerdem san kane Augen drauf. Daun nimm i hoit an Erdäpfl
der hot jo Augen, oba de miasn weg, i hob ka Lust mehr und hau in Huat drauf
Oba Kuchen backen is für mi des Ollaschlimmste
Des anzige, wos mir beim Backen aufgeht, is des G‘impfte
Ihr kennst mi Kreizkümmelweise, i verzicht auf diese Speise wenn ma sich dabei
de Finger bricht. Do is i lieber gor nix, i pfeif auf dieses Gericht
Saframent noch a moi, jetzt is ma a no aubrennt
i reiß des Fenster auf und wirf olles raus
Und in da Wohnung schaut‘s wie noch an Bombeneinschlog aus
Rezepteschreiber, los mi raten, san doch ollas Psychopaten
weil ansonsten foit an sowas jo ned ei und daun läuts scho an da Tia des muas da Pizzabote sei
Endlich hob i wos zum Essen, meine Euphorie zu bremsen
jo des foit mir jetzt schwer, denn im Kachelofen das Rezeptbuch
knistert langsam vor sich her
|
||||
9. |
Ma hots hoid ned leicht
05:09
|
|||
I steh auf, um viere in da Fruah, kaun mi kaum bewegen
meine Augen san no zua und i hau mi au... miau, miau, miau, miau, miau
Aun mein Türstock hau i mi au weu i no ned grodaus schaun kau
Ohne Kaffee geh I ausm Haus, hob kane Tschick mehr
des Monatsgöd is aus, doch i reiß mi zsaum...
Zsaum, Zsaum, Zsaum, Zsaum, Zsaum, aha ha
I reiß mi zsaum und kurze Zeit darauf, kum i in da Hockn aun
Bin erst kurz hackln und i schlof glei wieder ei
und aufgweckt werd i plötzlich von an murds Geschrei und
bin'd Hockn los... los, los, los, lololos
Sirenen überoi und an Haufen Autos hi
Ma hots hoid ned leicht ois Busfahrer mit Narkolepsie
Heit hob i scho wieder 10 OPs aum Plan
Jo ois Chirurgin is ma so guat wie nie daham und i schlof ned...
ned, ned, ned, ned, ned
Jo i schlof so guad wie ned, drum bin i im Schädl scho gaunz bled
Mei Familie hot mit scho länger nimmer gsegn
und mei Mann is sicher nur mehr aum fremdgehn, des hoid i aus...
aus, aus, aus, aus, aus
Den gaunzn Stress den hoit i aus, weil auf'd Nocht hoi i in Vibrator raus
(Brrrrr......)
Gaunz entspaunt auf'n Weg in die OP
beig mi über'n Patienten und find des ned sehr sche
Jo i wü geh... geh, geh, geh, geh, geh
Der Brustkorb der is offen und i speib mi sofort au
Ma hots hoit ned leicht, ois Ärztin, die ka Bluat segn kau
I schau Baywatch, weil i's Wosser so gern siech
Die Schauspieler san ma wurscht, i steh voi auf de Gischt, de Gischt is Pflicht...
Pflicht, Pflicht, Pflicht, Pflicht, Pflicht
jo de Gischt is Pflicht und ned de Schicht, zum Krochn bringst mich sicher nicht
Außerdem steh i auf de großen Tepf, auf mein Balkon de san so richtig sche und fesch
hob fesche Tepf. Tepf, Tepf, Tepf, Tepf, Tepf
manchmal spritz i auf de Tepf und moch sie nass, weu im Summer do is haß
Hob seit gestern jo goa nix mehr zum tuan, weu do hob i meinen Job valurn, serwas AMS...
AMS, AMS, AMS, AMS, AMS
Des AMS des zoit ma nix, obwoi i hier gaunz unschuldig sitz
Gestern in da Hockn is ma wos passiert, a Schwimmer in Not, und i hob mi ned geniert
Spring eam noch und sauf o... ojioijiojojio
Ma hert no kurz mei Pfeiferl und olle Leit zeign auf mi
ois Bodemasta, der ned schwimmen kann, jo do bist schnö hi
Und ihr frogts eich sicherlich, wo haum de olle den Job daher?
Des zu erklären, jo des is goa ned so schwer
Der Verband der Analphabeten, jo der woa auf Therapie
plötzlich woans Headhunter. Umschulung haut ned immer... hi
|
||||
10. |
Bin für di do
03:18
|
|||
Dass du mir ned so am Oasch gehst wie oi de aundan Leit
Des hob i dir scho gsogt, do wasd du scho Bescheid
Des Thema is oghaglt, heit steht wos neichs aum Plan
und des Wichtigste dabei, i sog ollas wia is man
A waun i furt bin daun bin i no ned gaunz weg
i häng aun dir so wie a dicker fetter Zeck
und i kriag Fiaba, wenn ma uns länger ned segn
wir zwa gemeinsam, wir wern ollas überlebn
Ruaf die Rettung bitte ned, für uns is es no ned zu spät
Bin für di do, waun des Heisl rinnt
oder waun dei Chef moi wieder spinnt
Bin für di do, wenn dei Gewicht ned so stimmt
oder wenn dir beim Kochen moi die Suppn überrinnt
Meine Vergleiche, die san super akkurat
I steh auf di, denn du bist ned so schiach und blad
und i bin romantisch und auch so wortgewandt
Aum liabsten bin i nockad mit dir Haund in Haund
I hob Aungst es eskaliert glei, drum reiß i mi liaba zaum
sonst kaun i mi glei, um a neiche Frau umschaun
Doch des wü i goa ned, kamad mir ned in den Sinn
und i hoff du bleibst bei mir, obwoi i a bissl deppad bin
1 und 1 is monchmoi 3, beim Rechnen bin i ned gaunz vurn dabei
Bin für di do, wenns moi ned so guad rennt
oba a wenns im Intimbereich brennt
Bin für di do, waun du dir brochn host de Händ
oder wenn di auf da Strossn ohne Schminke kana kennt
Nur für di hob i des Lied kreiert
oba du schaust mi au und bist gaunz leicht verwirrt
I glaub du wüst ma ane gebn, hoitst mi für bled oba
mehr ois dieses Lied brauchst du ois Liebesbeweis ned
Bin für di do, wenn i an Song für di schreib
Wenn i ned saufen geh und doch daham bleib
Bitte, bitte sei liab zu mir
Wos schaust denn heit so bes, du wirkst a bissl irr
Bin für di do, wenn du mir ane auschiabst
und a daun, waun du mi a bissl wiagst
Bin für di do, bis zum End und no vü weiter
oba bitte Schatzi los mi aus i kriag boid ka Luft mehr
|
||||
11. |
Dr. Youtube
03:33
|
|||
Mit vierzg Grad Fiaba liegt des Kind im Bett, doch zum Arzt gemma sicha ned
Die Selbstheilungskräfte setzen sicher boid ein, de roten Punkterl, de miassn so sei
Wauns des ane Kind ned schofft, wir haum no zwa oder drei mehr
und waun olle Stricke reißen, moch ma a neich’s, denn wir haum sowieso nur
ungeschützten Geschlechtsverkehr
Und Schuld an ollem hot nur der Bill Gates
an den Masern, dem Corona und auch Aids
Er wü uns olle chippen, damit wir gehörig san
Kontrolliert uns über's WLAN, jo genau des is sei Plan
Aum Himmel de Strafn san so mysteriös, de moch'n di nervös
Physikalische Gründe kaun’s dafür ned geb'n, des host du im Internet gseh'n
Irgendwer wü do mit chemischen Mitteln die Menschheit reduzieren
owa i kaun dir gaunz sicher sog’n, du host an richtig großen
Kondensstrafn stott an Hirn
Und Schuld daran haum sicher nur “Die“
Denn “Die“ die sind die Bösen, doch wer sind eigentlich “Die“?
Des Wetter des woins kontrollier'n und die Menschen sowieso
I hob an guadn Tipp für di, sperr di daham ins Klo
“Es ist alles Satans Plan“, sogt da Xavier Naidoo
die globale Erwärmung setzt dem woi a scho urndlich zu
Doch des is eine Verschwörung und wos aundres glaubst du ned -
Du host den Doktor von da Youtube Universität
Die Erdn ist gaunz sicher ned rund, sondern a Scheibn, des is doch kloa
Außen herum a 50 Meter hohe Waund, damitst ned owefoist wirkli woa
Manchmoi is a hohl die Erdn und von Echsenleit bewohnt
Geh suach doch moi den Mittelpunkt, daun wirst gaunz sicher mit an Haufen
voller Golddublonen belohnt
Jo du glaubst ollas, wos auf Büdan im Internet steht
weu söba denken kaunst du leider ned
Die Medien lügen olle und ollas wird geheim regiert
do kaun ma jo nur hoffn, dass sowos wie du nie Kinder kriagt
|
||||
12. |
Gfrieslfetzal-Polka
02:13
|
|||
Geh Hansi, herst, du host do wos im Gsicht
Jo Ferdl wasd des ned, des is jetzt Pflicht
Oba do kriag i jo ka gscheide Luft
Owa wenigst riach i daun ned dein Pappnduft
Und mir rennt de Brün scho wieder au
Jo setzdas hoit gscheid auf du bleda Mau
Und i tua Fetzn auffe, Fetzn owe nur den gaunzen Tog
obwohl i aum liabstn irgendwem ins Gsicht spucken mog
I hob jetzt a Idee und de is klass
I los afoch heraussen meine Nas
Oba Ferdl, du wasd eh, des bringt sie nix?
Des is, wie wenn bei da Unterhosn no dei Zumpfal ausseblitzt
Owa Hansi, bitte sei mir doch ned bes
Hoit de Pappn Ferdl und trog dei MNS
Und i tua Fetzn auffe, Fetzn owe nur den gaunzen Tog
obwohl i aum liabstn irgendwem ins Gsicht spucken mog
Herst i geh jetzt oben ohne im Gesicht
de aundan tans jo ah ned, scheiß auf die Maskenpflicht
Ferdl, bitte, setz sie wieder auf
du spuckst jo scho beim Flüstern, do hob i Aungst, dass i dasauf
Owa de bringen sie doch nix gegn den Infekt
Du wirst no deppad schaun, wenn ana von deine Freind verreckt
und i tua Fetzn auffe, Fetzn owe nur den gaunzen Tog
obwohl i sowieso aum liabstn nur daham sei mog
De Bandln zahn so au aun meine Ohrn
i bin für diesen Scheißdreck ned geboren
Zum Binden gibtses a, jetzt tua ned so
bitte geh mir damit ned auf mein Popo
Mir kummts vor ois wär dei Hirn voi Stroh und Hei
und mit so Fliegerohrn kannst dann glei Bundeskanzler sei
Und i tua Fetzn auffe, Fetzn owe nur den gaunzen Tog
Am liabstn warad owa, wenn da Virus sie begrobt
Und i tua Fetzn auffe, Fetzn owe auf'd Nocht und a aum Tog
Beim schlofn trog in a scho, weu mi'd Frau sonst küssen mog
Und i tua Fetzn auffe, Fetzn owe nur den gaunzen Tog
Den Nächsten den i ohne siech, i gaunz sicher daschlog
|
||||
13. |
Quaranteinachten
03:21
|
|||
Ollas is oasch, wir feiern heier ala
Weu wir san eigsperrt, wegen dem Corona
I hob mas scho docht, jo es woa ma so kloa
Do hot ma wer ins Gsicht ghuast, wia i beim Einkaufen woa
Zur Sicherheit moch i hoit moi a poa Tog Quarantäne
Duschen brauch i ned und i putz mir a ned die Zähne
Bestö‘s Essen nur no online und lieg nur feu umanaund
spoa dabei an Haufen Wossa, weu i brauch ka frisches Gwaund
Weihnochtn ala, denn dieses Joa feier i mit mir
Ollas geht vorüber, mit 2-3 Kisten Bier
Auns Essen hob i a scho docht, ollas geklärt aum Telefon
des Lieferservice hot scho meine Kreditkarteninformation
Weihnachtsbäckerei moch i mir heuer söba
Is eh wurscht wie’s schmeckt, mei Geschmacks- und Geruchssinn is ned da
A bissl fiebrig bin i a, die Krankheit is ziemlich fies
Oba vielleicht liegt‘s a draun, dass scho a Kistn leer is
I bau auf mei Krippenbüd, da Josef is a Mandarine
De Maria a Zitrone und de Weisn - hob i scho gessn
Und da Jesus schaut so friedlich, er is a Überraschungsei
Des Stroh hot 80%, jo, mei wie i mi frei
Weihnochtn ala mocht vielleicht doch a bissl depressiv
Video-Chats und Online-Parties hoss i mittlerweile obgrundtief
Moi wieda meine Leit segn, in echt, es wa ned schlecht
A waun ana dem aundan manchesmoi in die Goschn haun mecht
Doch daun erzöht a Freind von mir, dass ma sie testen kau
Na guad, wos sois, denk i mir und stö mi in da Schlaungen au
Vor mir steht a Famülie mit 24 Kindern
Mei Blutdruck, der geht auffe, jo des kaun i ned verhindern
De Musik dazah i goa ned und i sog dem Maun vom Bundesheer
“schiab ma‘s Staberl a ins Ohr“, damit is nimmer her
Weihnachten ala, des wird es heier do ned gebn
denn mei Test woa negativ, des haßt i wer‘d Verwauntschoft segn
Hoffentlich rennt ollas guad, i wü ka Infektion
sunst feier i Süvester auf da Intensivstation
|
||||
14. |
Wir san auf Reha
04:15
|
|||
I bin auf Reha, i bin auf Reha, und heit bin i depressiv im Bett ala
I bin auf Reha, i bin auf Reha, und würd mi aussehaun, wenns Fliegngitter ned war
Denn meine Tabletten san scho wieder leer
Druck am roten Knopf und es kummt ganz schnö wer daher, der mir Pulver bringt
und i nimm aum besten zwa, und ploetzlich spring i auf und fühl mi wie a Superstar!
Zerst hob i mi so gfühlt ois warad i scho länger hi
oba jetzt gehts voll Elan in die Einzeltherapie
I denk mir heit wird's gmiadlich und i hob a olle gern
doch wir redn über'd Kindheit, und zum Schluss no über’s Sterben
Mit Tränen in den Augen aber a mit mehr Esprit
geh i amoi kurz ums Eck, wir haum jetzt Musiktherapie
Owa Musik is des jetzt kane, es klingt wie waun wer schreit und brennt
begleitet von an Trommelzirkel mit an bsoffan Dirigent
Wir san auf Reha, wir san auf Reha, beim Musizieren do geht uns die Seele auf
Wir san auf Reha, wir san auf Reha, obwohl i auf Konzerten liaba hintn steh und sauf
Saufen geht do goa ned bleib 6 Wochen abstinent
Sonst kummt a weißes Maxal dir min Alkotest nochgrennt
Hob scho 25 moi blosn jedes Mois woas negativ
owa zur Sicherheit no amoi, weu sonst hängt da Hausseg'n schief
Fois du daun dawischt wirst fliegst du ausse ziemlich schnö
weu da nächste Patient scho eine wü aun deina Stö
Vielleicht kriegst nua a Verwarnung und auf die Mitarbeit an Fleck
owa waunst ned schnö genug bist is dei Zimmer a scho weg
Mit da PVA muast streiten weu sunst muast du olles zoin
dabei host du doch vielleicht, nur a bissl Spaß haum woin
Doch da Spaß is jetzt vorbei, jetzt musst du zruck ins echte Leb'n
und du mechast dir am liabsten glei die Kugel gebn
Du bist auf Reha, du bist auf Reha, du bist auf Reha, und ned auf Kur
Du bist auf Reha, du bist auf Reha, küssen und saufen gibt’s do ned, do samma stur
Rückblickend gesehen woa doch olles ned so schlimm
Entspannungstherapie kummt mir do direkt in den Sinn
Wir haums do richtig gmiadlich ghobt und es woa so sche stü
bis auf über uns im Speisesaal des Tischalruckng'spü
Ma kaun nämlich guad entspannen wenn olle 5 Minuten dich
a Putzwogn aussereißt des is gaunz sicher förderlich
De mochn des sicher mit Obsicht jo de woatn nur darauf
amoi probier is no, daun haßt’s: „moch'n sie die Augen auf“
No immer gaunz leicht damisch wockl i so umanaund
Motivier mi fia an Sport, brauch Volleyball und Sand
Gib so richtig ollas, doch de Gelsn tan mi quähl'n
wenigst kaun i heit guad schlofn, i kau Gelnsdippl zöh'n
I bin auf Reha, i bin auf Reha, und de Natur geht mir scho am Oasch vorbei
I bin auf Reha, i bin auf Reha, i gfrei mi oba a scho auf's wieda daham sei
Ernährung woa a ned so zwieda, do haumma vü neich's erfoan
zum Beispü dass ma nur an Schaß essen, i glaub wir san verlor'n
Iss nix Fettes und nix Siaßes und des glei drei moi aum Tog
es gibt so vüle Alternativen, die i olle goa ned mog
Vollkornnudeln de san supa, doch de schaun so grauslich aus
Soja-Tofu-Potpourri kummt mir sicher kans ins Haus
Los a Stickl Schokolad im Mund zergeh, jo des is fad
und trink a nur mehr Wossa, daun wirst du a ned so blad
Danoch stö I mi glei “freiwillig“ in die Schlang im Essenraum
frei mi scho auf Geschmack, Genuss, olles wos wir so glernt haum
I setz mi hi mit mein Tablet aum liabstn mochad i an Schuach
weu bei dem Fraß hier heißt es leider Augen, Nosn zu und durch!
Wir san auf Reha, wir san auf Reha, des Essen do verweigert dir a jede Sau
Wir san auf Reha, wir san auf Reha, do ruaf i liaba bei da Pizzeria au
Wir san auf Reha, wir san auf Reha, und maunchmoi chillen wir am Kamp
Wir san auf Reha, wir san auf Reha, dort leg i gern in die Sunn mei Wamp
Wir san auf Reha, wir san auf Reha, und boid samma wieda daham
Wir san auf Reha, wir san auf Reha, und ois wird besser weu ma so vüles glernt ham
Wir woan auf Reha, wir woan auf Reha, und wir wean unser Lebn jetzt besser pockn
Wir woan auf Reha, wir woan auf Reha, und nächste Wochn muaß i wieder in de Hockn
|
||||
15. |
Im Müllraum (Interlude)
00:40
|
|||
(Mist)
|
||||
16. |
Dreck (Bonusdreck)
02:59
|
|||
Horchts moi zua ihr Leit, i hob euch wos zu erzöhn
A wauns eich jetzt grad ned passt, werd i euch a bissl Zeit stöhn
Denn wos i euch jetz sog, des trifft jeden, jo a di
und Interesse an Veränderung des herrscht gaunz sicherlich
Wir lebn in ana Zeit in der wir ollas haum und doch
gibt's in jeder Großgemeinde daun a irgendwo a Loch
In des Loch do kipp ma olles eine, wos ma nimma wü
und innerhoib vo kurzer Zeit, wird's fia a Loch zu vü
Wir haum: Dreck in der Luft, Dreck unter da Erdn
Dreck in unsam Essen, wovo ma kraunk wern
Dreck in unseren Meeren, Dreck an unserem Stecken
Aun dem gaunzn Dreck, jo do wer man no verrecken
Wir san recht weit kumma, san die Herrn auf dem Planetn
Die Froge is wie launge no woin wia eam in de Goschn tretn
Hoidn Rindsviecha und Hendln so ois obs nur Schnitzel san
doch das de Viecha a wos gspian, des wissen scho de Klan
Bauen riesige Fabriken so groß wia a klana Staat
und fois durt daun doch scho Heisa stengan, moch mas afoch platt
Die Fabrik braucht daun a Kroftwerk und des Kroftwerk mocht den Strom
und weu es hoit so praktisch is, spoit ma des Atom
Wir haum Dreck in da Regierung, Dreck in unsrer Politik
Dreck in Friedenszeiten, führen dreckigen Krieg
Dreck im World Wide Web, Dreck in unsrer Phantasie
Verkriech di waun du wüst, doch dem Dreck entkummst du nie
Hoin mehr Fische ausm Wossa ois ma jemois essen kaun
Waun daun gor kane mehr do san, dafia gibt's hold no kan Plan
Blosn Dreck auffe in Himmel, lossn Dreck o in den Fluss
Und des Wichtigste dabei is, dass man nimma segn jetz muas
Zum Schluss wü i eich no sogn, es ist jetzt no ned zu spät
Drum seid's froh, schwingt's eichre Hüften, weu no immer etwas geht
Faungts bei eich söba au, setzt's dem Dreck amoi a End
Des Werkzeug hobt's jo scho, Kopf, Ohren, Augen, Mund und Händ
Mocht's kan Dreck mit de Leit, Dreck mit dem Hirn
Dreck mit unsrer Natur, waun werd's ihr des kapier’n?
Dreck mit eich söbst, Dreck mit eicham Vastaund
Denn unsere Zukunft, haumma söbst in da Haund!
|
Joe Hannes Vienna, Austria
Als "Joe Hannes" das Licht der Welt erblickte, war da noch nicht viel - eine alte Gitarre und eine Reha in Gars am Kamp. Drei Jahre später waren diese dann auch schon auf dem ersten Album. Auf der Bühne begeben wir uns gemeinsam auf städtische Heislsuche, verletzen uns hoffentlich nicht beim Kuchen backen oder wollen afoch nur Ham! ... more
Streaming and Download help
If you like Joe Hannes, you may also like:
Bandcamp Daily your guide to the world of Bandcamp